Om verksemda

Vinje bryggeri vart skipa som eit AS så seint som 22.mai 2017. Ølbrygging er eit fantastisk handtverk med lange tradisjonar og evig forbetringspotensiale. Draumen om det perfekte ølet driv oss og triggar vilja til alltid å ville lære noko nytt. Me bruker kjende og tradisjonelle råvarer men utviklar våre eigne øloppskriftar i samspel med eit veldig kompetent lokalt ølsmakarlaug som alltid er klare for ein dugnadsinnsats med gane og tunge.

Langsmed E-134 om lag 9 km vest for Åmot ligg Vinje bryggeri lett tilgjengeleg med god parkeringsplass. Bygget inneheld bryggeri, butikkutsal og ein liten pubfløy. Planen er å kunne ha nokre pubkveldar i månaden, lukka arrangement som selskap, blåturar og ølsmaking.